За ГЛМ
![](http://grandlodgeofmacedonia.org/wp-content/uploads/2018/11/06_06.jpg)
Водени од ентузијазмот на вербата во длабоките човечки вредности, основањето на Голема Ложа на Македонија беше визија на неколкумина луѓе, патување кое започна набргу по независноста на Македонија, на 30-ти Септември 2005 година, за прв пат во историјата на Република Македонија, беше основана самостојна, суверена и регуларна Голема Ложа на Македонија во посебна основачка церемонија водена од Про-Големиот Мајстор на Обединетата Голема Ложа на Англија, Маркизот од Нордхемптон. Големата Ложа на Македонија е дел од меѓународното Братство на регуларни, самостојни и независни Слободноѕидарски здруженија. “Регуларноста” е значаен поим во Слободното Ѕидарство и означува историски суштинска дистинкција која упатува на конзистентноста во следењето на принципите на традиционалната Масонериј, изведена од фундаменталните конститутивни диспозиции на Правилата од 1723 год. (особено секуларниот, не-политички и не-религиозен карактер), како и меѓусебното признавање на Големите регуларни Ложи во светот. Големата Ложа на Македонија, покрај нејзината консекрација од страна на Обединетата Големата Ложа на Англија, својата регуларност ја реафирмира и со соодветно признавање од страна на Регуларните Големи Ложи во светот.