Новости

Кон крајот на Јануари 2021г. НПГМ присуствуваше на онлајн состанокот на Големата Ложа на БиХ, каде што Браќата од регионот ги рзменија меѓусебните искуства за работа во новонастанатите вонредни услови, при што НПГМ ги презентираша сите активности кои до тогаш ги има преземено ГЛМ.

Во јуни 2021г. НПГМ и Заменикот НПГМ на ГЛМ ја посетија Обединетата Голема Ложа на Србија, каде што се изврши церемонија на инсталација на Најпочитуваниот Голем Мајстор на Големата Ложа на Србија, што претставуваше прва официјална масонска комуникација во Европа во пост-ковид периодот.

Во јуни 2021г. НПГМ на ГЛМ ја посети и Обединетата Голема Ложа на Бугарија, каде што се изврши церемонија на инсталација на Најпочитуваниот Голем Мајстор на ОГЛБ. Во склоп на целиот настан, се одржаа две интересни церменонии – ритуалот т.н. “Татковци и синови”, кој има за цел да ги подучува децата за вистинските вредности во општеството, за улогата на семејството и слични теми, кои имаат за цел децата да израснат во вистински, чесни, посветени и добри личности.

Втората церемонија која се одвиваше на овој собир во Бугарија, е консекрацијата на “Жак Де Моле” (https://demolay.org/ – меѓународна организација формирана во 1919 година во САД од страна на Frank S. Land. “Жак де Моле” промовира 7 вредности, кои се многу слични на масонските. Консекрација ја водеа претставници на “De Molay International” од Италија.

Со величествен собир на голем број Браќа и Сестри, на отворено и со почитување на сите пропишани мерки за ковид – безбедност, во Јуни се одржа чествувањето на Св. Јован. На настанот беа промовирани Химните при затворање и отворање, кои за прв пат во историјата на македонската Масонерија беа преведени, испеани и професионално снимени на Македонски јазик.

На собирот за Св. Јован, беше емитувана и видео пораката од Про Гранд Мастерот на UGLE, Peter Lowndes (https://www.ugle.org.uk/about-us/ugle-governance), кој ги пренесе поздравите од Англија и се обрати до сите Браќа од ГЛМ со најголема почит, со што и направи голема и извонредна чест на ГЛМ.
Со оглед на фактот, што консекрацијата на Големата Ложа на Македонија е извршена директно од страна на United Grad Londge of England – UGLE (https://www.ugle.org.uk/), што претставува извонредна реткост и особена почест во историјата на масонството, топлите и братски зборови и поздрави за ГЛМ изречени од страна на Про Гранд Мастерот на UGLE, претставува високо признание за Основачите на Масонеријата во Македонија, за “Лондонската Група”, за сите претходни Големи Мајстори, Големи Офицери, Старешините и Офицерите на Ложите и за сите Браќа воопшто, како и голема чест за Македонија.

Големиот Секретар на ГЛМ присутвуваше на Годишната Конференција на Големи Секретари во Романија.

ГЛМ го подготвува својот следен состанок, а воедни и сите Ложи се подговуваат за своите состаноци и редовна работа со физичко присуство, согласно протоколите за работа кои во меѓувреме беа изработени од Рутуалната Комисија и Здравствената Комисија.